This blog is a Licensed work !

Tuesday 16 February 2010

కింగ్ కోడి - The hen with the Muscle !

క్కొ.. క్కొ.. క్కొ.. క్కోక్కొ.. కొ. క్కొ.. క్కొ..

అవును లెండి మీ మనుషులకి మా భాష ఇలాగే ఉంటుంది. ఎప్పుడైనా మనసు పెట్టి కళ్ళల్లో కళ్ళు పెట్టి చూస్తే కదా తెలిసేది, మాది క్కొ..క్కొ.. భాష కాదు కలల భాష అని.

నా పేరు కోడి మల్లన్న. మాది పాడేరు. ఆల్లూరి సీతారామ రాజు పుట్టిన అడవిలో పుట్టిన నాటు కోడిని. అల్లూరి వీరత్వాన్ని మా బామ్మ కోడి అచ్చమ్మ ఇరవై నాలుగ్గంటలూ చెబుతూ ఉండేది. అందుకే నాకు తెల్ల దొరల్లన్నా తెల్ల కొంగలన్నా చిరాకు. ఒక సారి మా ఊరిలోకి తెల్ల దొర ఒకడు వచ్చాడు వచ్చి నా ఫొతో తీసుకోడానికి దగ్గరకి వచ్చాడు.
"జాయ్ సీతారామ రాజు " అని వాడి మీదకి దుంకాను, వాడు వెనక్కి పరిగెడితే వాడి ఎలాస్టిక్కు నిక్కరు లాగేసాను.
నా ఆనందానికి అవధుల్లేవు, ఒక తెల్ల దొరని బట్టల్లేకుండా నడి రోడ్డు మీద పరిగెట్టించాను. క్క క్క క్క కా....

ఆ రోజు మా ఊరిలో నాకు పాడేరు పందెం కోడి అని బిరుదు ఇచ్చారు.

నాకు ఉండే పని ఈ ప్రపంచం మొత్తంలో ఎవరికీ ఉండదు. సంవత్సరం మొత్తం బొక్కటమే నా పని. వెయ్యించిన జీడిపప్పు నా దైనిక ఆహారం. అప్పుడప్పుడు నా కోసం నా యజమాని వీరన్న పస్తులుంటాడు. కానీ నాకు జీడిపప్పు మాత్రం పెట్టకుండా ఉండడు. నేను పెంచుతున్న కండ మా పడేరులో అతి పెద్ద చికెన్ షాపు అయిన దుర్గమ్మ చికెన్ సెంటర్లో కూడా దొరకదు. ఇప్పటిదాకా నన్ను ఓడించడానికి నర్సీపట్నం, రాజుపాలెం, ముత్యాలమ్మపాలెం, సబ్బవరం, కొత్త వలస, ఎస్.కోట, రాజాం నుండి పందెం కోళ్ళు వచ్చి ఒడిపొయాయి. నా తల మూడు లక్షలు పలుకుతుంది. ఆ డబ్బు కోసం మీరు సాఫ్టువేరు కంపనీలలో ఎన్ని గంటలు పనిచేస్తారో... క్క క్క క్క... మిమ్మల్ని చూస్తే జాలేస్తుంది !

నా పెళ్ళాం పేరు కోడి దమయంతి. నెను రోజు రోజుకీ బేవార్సుగా ఆడకోడులతో ఎక్కువ తిరుగుతున్నానని మా ఊరొళ్ళు నాకు దమయంతికి ఇచ్చి పెళ్ళి చేసారు. దమయంతి భలే చలాకీగా ఉంటుంది గుక్క ఆపకుండా పావుగంట సేపు పాట పాడగలదు. అందుకే దానికి పొద్దున్నే అందరినీ లేపే పని అప్పజెప్పారు ! నాకు ఎంత బలమో దమయంతికి అంత ఓపిక, తూ-చ తప్పకుండా రెండు రోజులకి ఒక గుడ్డు పెట్టెస్తుంది.

నా శత్రువు కోడి పెదబాబు. పెదబాబు బాబు కోడి కనకయ్య నా తండ్రి కోడి కృష్ణుడుని సంక్రాంతి రోజు చంపేసాడు. నా అమ్మ అదే రోజు నన్ను కనింది, "కృష్ణుడు మళ్ళీ పుట్టాడు రా" అని మా కుటుంబమంతా, శోక సముద్రం నుండి అమృతం వచ్చినట్టు, నన్ను చూసి సంబరం చేసుకున్నారు.

కోడి పెదబాబుని రెండు మూడు సార్లు కలిసాను, వాడి కళ్ళు పొగరుగా ఉంటాయి, వాడి రెక్కలు నా కన్నా రంగుగా ఉంటాయి. అయితేనేంటి, రక్కలు కాదు బొక్కలు ముఖ్యం. ఒక సారి పోటీ కూడా జరిగింది మా ఇద్దరికీ, కానీ ఆ పొటీలో పెదబాబు పీకని చికెన్ సెంటరుకి అమ్మకానికి పెట్టెద్దామనుకున్నా. మధ్యలో ఎవడో ' పోలిసులు పోలిసులు ' అని అరిస్తే పీక నరికెద్దామని కాలు ఎత్తబోయేలోపు నన్ను మా యజమాని లాక్కెళ్ళిపోయాడు. దొరుకుతావు పెదబాబు ఎదో ఒక రోజు దొరుకుతావు.

నిజానికి పెదబాబు నాన్న కనకయ్య అని నాకు చాలా లేటుగా తెలిసింది. కనకయ్య ఇప్పుడు సివరాఖరి జీవితం గడుపుతున్నాదు.

మా అమ్మ కోడి దురగమ్మ ఈ విషయం లేటుగా చెప్పింది, చెప్పిన కొద్ది రోజులకి పాము కాటు వల్ల చనిపోయింది. దుర్గమ్మ నా ప్రాణం లాంటిది, నేను పుట్టిన మొదటి క్షణం దుర్గమ్మ ఒదిలో నుండే వచ్చాను. అమ్మ పోయాక నాకు చివరి చూపులు కూడా దక్కలేదు. నేను మర్చిపోలేని రోజు అది, దమయంతి గుడ్డు పెట్టని ఏకైక రోజు అది. కోళ్ళకే గనుక ఒక స్వర్గం అంటూ ఉంతే దుర్గమ్మ కి రాజ వైభోగం ఇవ్వమని దెవుణ్ణి ప్రార్థించాను.


ఇంకొక వారంలో సంక్రాంతి.
ఈ సంక్రాంతికి పెదబాబుని చంపితే వాడి నాన్న కనకయ్య కుళ్ళి కుళ్ళి ఏడవటం నా పగని చల్లారుస్తుంది.

వీరయ్య కొడుకు రాంబాబు కరాటే నేర్చుకుంటున్నాడు. ఒక సారి నా దగ్గరకు వచ్చి కోడి కరాటే నేర్పించాడు, ఖాతాలూ, బ్లాక్లూ, కిక్క్లూ ఇలా కరాటేలో వివిధ విన్యాసాలు భలే నేర్పించాడు. నేను రెక్కలతో గాల్లో ఎగిరి flying కిక్కు చేసాను. అది చూసి రాంబాబు కూడా ఎగిరి జారి పడ్డాడు, వాడి చెయ్యి విరిగింది. వీరయ్య నా దగ్గరకి వచ్చి , నేను గానీ గెలవకపొతే జీడిపప్పు పెట్టడం మానెస్తా అని బెదిరించాడు.

"మనుషులు డబ్బు కోసం బ్రతుకుతారు, భక్తులు దేవుని కోసం బ్రతుకుతారు, నేను పగ తీర్చుకోవడం కోసం బ్రతుకుతాను" అని చెబుదామనుకున్నా. కానీ క్కొ క్కొ తప్ప ఏమైనా వినిపిస్తే కదా, "కళ్ళల్లోకి చూసి మాట్లాడు వీరయ్యా...friendly గా ఉండు !"

సంక్రాంతి రోజు రానే వచ్చింది, అందరూ చుట్టాలని పలకరించుకుంటూ, విందు భోజనాలు చేస్తూ, ఆటలు, పాటలు, గొబ్బెమ్మలూ, ముగ్గులు వేస్తున్న పదహారణాల ఆడపిల్లల బుగ్గల్లో సిగ్గులు... అబ్బా ఎంత చూడముచ్చటగా ఉందో ఆ రోజు.

దమయంతి నా రెక్కలు దువ్వుతూంది, నేను బయలుదేరడానికి సిద్ధంగా ఉన్నాను..

"సరే ఆ పెదబాబు పీక కోసి వస్తా"
"నేనూ వస్తాను"
"వద్దు.....రక్తపాతం నువ్వు కళ్ళ జూడలేవు"

రణరంగం సిద్ధమయ్యింది

"చుట్టుపక్కల అన్ని ఊర్లలో ఎదురు లేని సైనికుడిగా ఎదిగి, అల్లూరి పౌరుషాన్ని పునికిపుచ్చుకుని, ఈ ఏజెన్సీ లోనే తిరుగులేని రారాజుగా ఉన్న పడేరు పందెం కోడి మల్లన్న." అన్న వెంటనే రంగంలోకి దింపారు. అందరూ ఈలలు, గోలలు. దగ్గరకి ఎవరైనా వస్తే వాడి మొహం రక్కేసే ఆవేశంలో ఉన్నాను. అది గమనిస్తున్న వీరయ్య మళ్ళి కోర్టు కేసులు ఎందుకులే అని అందరినీ దూరంగా ఉంచుతున్నాడు (అప్పుదెప్పుదో బాలకృష్ణ ఇలాగే ఒక కోడి కోసం కోర్టుకు వెళ్ళాడని మా బామ్మ చెప్పింది లెండి).

పెదబాబు కనిపిస్తున్నాడు దూరంలో. నాకు నా నాన్న చావు గుర్తొస్తూంది. రక్తం ఉడికిపోతూంది, ఇంకొంత సేపు ఉంటే చికెన్ ఫ్రై అయిపోతానేమో అనేలా ఉడుకుతూంది. పెదబాబుకి కూడా ఎవో బిరుదులు చెబుతున్నారు, నాకేమీ వినిపించట్లేదు. పెదబాబు రంగంలోకి దిగాడు.

పెదబాబు కళ్ళని గమనిస్తున్నా. ముందు వాడే ఎగిరాడు. నా ముక్కుకి చిన్న గాటు పడింది. తర్వాత నేను ఎగిరాను, వాడు కూడా ఎగిరదు, వాడి కత్తి నా కత్తి తగిలి ఇద్దరం దూరంగా పడ్డాము. మా వాళ్ళు మా ఇద్దరినీ పట్టుకొని దగ్గరగా పెట్టారు. ఈలాగ పావుగంట సాగింది, ఇద్దరం సగం ఓపిక కోల్పోయాం.
అప్పుడు మా వీరన్న నాకు తేనెలో ముంచిన జీడిపప్పు తినిపించాడు. నా కళ్ళల్లో శక్తి ప్రవహించింది. రాంబాబు నేర్పించిన కోడి కరాటే పెదబాబు మీద ప్రయోగించాను. ఎగిరెగిరి తన్నాను. వాడి కాలు కోసాను. క్క క్క క్క క్క కా.. మల్లన్న మల్లన్న అని జనాలు అరుపులు... నా కళ్ళల్లొ ఆనందం చూడాలి ! (సాగర సంగమం లో కమల హాసన్ చివర్లో ఇలాగే ఏడ్చాడు లెండి !)

ఇంక సివరాకరి కోడి కరాటే మూవ్... పెదబాబు ఇంక లేవలేకపోతున్నాడు. సైకిల్ కిక్కు ఇవ్వడానికి కాలు దువ్వాను, పెదబాబు గట్టిగా అరిచాడు....

"ఒరేయ్ నీ అమ్మని చంపింది పాము కాదురా వీరన్న రా...నీ అమ్మని వండుకొని తినేసారు రా క్క క్క క్క కా"....

ఎదో బాంబు పేలినట్టు అనిపించిండి

అది విని నా కిక్కు సగంలోనే ఆగిపోయింది. అంతా నిశబ్దం.
వీరన్న కేసి చూసాను, చేతిలో జీడిపప్పు ఉంది.


నాకు మాట రావట్లేదు, ఏడుపు కూడ రావత్లేదు, నా శత్రువు ఎవరో నాకు గోచరించట్లేదు. శిలలాగ ఒక నిముషం ఉండిపోయా


'ఎంత మోసం చెసావు వీరన్న, ఇంత కాలం నన్ను మేపుతూంది నీ డబ్బుల కోసమా నా పని అయిపోతే వండుకొని తినేస్తావా...అన్యాయంగా నా అమ్మని చంపేసావు కద రా...


పెదబాబు పుంజుకొనేలా ఉన్నాడు. వీరన్న కళ్ళల్లో తొందర కొట్టొచ్చినట్టు కనిపించింది. అది చూసి కోడి మల్లన్నకి వైరాగ్యపు ఆనందం వేసింది.

నీకు శిక్ష వెయ్యాలి వీరన్న... నువ్వు కుమిలి కుమిలి ఏడ్చే శిక్ష వెయ్యాలి... ఔను నేను ఓడిపోవాలి !... ఓడిప్......'

ఇంక మాటల్లేవు... కోడి మల్లన్నని కోడి పెదబాబు చంపేసింది ..ఆ రాత్రికి కోడి పెదబాబు గాయాలతో చనిపోయాడు, కోడి కనకయ్య కూడా కొడుకు చనిపోయాడనే బాధతో చనిపోయారు.

వీరస్వర్గం పొందిన కోడి మల్లన్నని వండకుండా వీరయ్య సమాధి చేసి పాతిపెట్టాడు.

పాడేరు పందెం కోడి ఒక ఊతపదంగా మారిపోయింది.


9 comments:

  1. Kodi pandala backdrop ni use chesukoni manchi kodi katha allaavu ... Mana Faction based telugu cinemaki ye maatram teesiponi Content vundhi nee story lo ... Mallanna raktham vudki , chicken fry avutanukovadam chala bagundhi , hehehe ... kaastha amaeture ga anipinchindhi nee writing style , i hope u will over come it by writing more n more ... U have a very good story narration skills .. keep it up ..

    ReplyDelete
  2. orey...naku nijamga edo chutunnattu anipinchindi..awesome narration!!
    chivarlo edupu kuda vachcindi..promise :)

    ReplyDelete
  3. Too good Keshav...Your sense of humor is just above excellent :-) Keep going.

    ReplyDelete
  4. hahaha keesav..!! super maan...!! antee nuvveendhoo cheddi pantu paina veesukuntaav ani kaadhu..! super ga raasaav maan ani artham..!! indhuloo highli8s kanna kooda total story chaala abagundhi..!! naaku naa setruvulu yevaro artham kaavatleedhu anee line manam writter tho nee vunnaam ani cheppadhi laa vundhi once again gr8 job..! 3.5 out of 5 man....! ko ko ko k..!

    ReplyDelete
  5. ka ka kka kka kka....
    pourushopetham ga undi... gharshana movie lo, venkatesh background dialogues anni oka modulation lo cheptadu kada... aa modulation automatic ga set aipoyinidi ee story ki... :D

    polikalu, prayogalu chaala bagunnayi...:)
    good job again... ;)
    oka point of time lo, 'kodi mallanee gelichesthe, twist em untundabbaa' ani, twist ela untundaa ani alochinchanu kudaa...
    as always, ur narration skills are killing us..:) way too good...:)

    ReplyDelete
  6. ఆ డబ్బు కోసం మీరు సాఫ్టువేరు కంపనీలలో ఎన్ని గంటలు పనిచేస్తారో... Gantalu kaadu mashtaaroo.. Oka samvatsaram veella rekkalu duvvali.. :(

    అయితేనేంటి, రక్కలు కాదు బొక్కలు ముఖ్యం.. Hehe, bagundi..
    Chinna logiccu, law point -- తూ-చ తప్పకుండా రెండు రోజులకి ఒక గుడ్డు పెట్టెస్తుంది. and దమయంతి గుడ్డు పెట్టని ఏకైక రోజు అది.

    Baaga rastunnav Keshav.. Keep writing.. :)

    ReplyDelete
  7. Ko ko ko ko Coconut Ko ko ko Cobbari bondam...annttu Ka kakaka Kodi Mallannaa.....
    Hahaha bagundhi Keshav....Chadhuvuthu chadhuvuthu kodilaku kuda inni kastaalu pagalu premalu vuntai ani thelusukunnaa...Characters gurinchi baga cheppav...Mallanna...pedha baabu ...o cinema chupinchav gaa....Good going ...

    "కళ్ళల్లోకి చూసి మాట్లాడు వీరయ్యా...friendly గా ఉండు !"
    Kodlaku kuda oka baasha vuntundhani ...avikudamanala english matlaadagalavu ani e line chadhvangaane fhaakuna navvukunnaa...

    Ika ye kodi chusinnaa e godi gaadha gurthukosthundhi...

    Keep Rocking Keshav!!

    ReplyDelete